德興「唔賣」火鍋搞核電

德興「唔賣」火鍋搞核電
明報
12/14/2011


【明報專訊】做開火鍋酒家嘅德興，早排就引入國企中國核工業二三建設做股東，仲發咗批4億股嘅可換股債券畀人。當時小琴就心諗，唔通要搞個核動力火鍋咁巴閉？


噚日德興發通告話，為咗更加好咁反映第時嘅業務，決定改名做中國核工業二三國際。睇個勢似係德興個老細陳樹傑唔玩落去，賣盤走人。早排，佢先至喺股東會話，要喺內地開餐廳，點知話口未完就跳船走人。
老闆陳樹傑賣盤畀核能公司



http://www.facebook.com/nuclearfree 
http://www.facebook.com/nukefree



講番個新股東啦，呢間國企個網頁介紹，佢地喺1958年成立，主要係搞軍用核工程建設。當年搞得有關核子嘅嘢，點都有啲軍方背景嘅。之後，轉型做核電設施，大亞灣同廣東陽江核電站都有份起，由軍用轉為民用。


至於，個名點解叫做二三建設呢？原來係未正式成為國企前，佢地隸屬第二機械工業部。其後，公司吸收埋另一間國企103安裝工程公司，經過多次轉型同變革後，最後成為依家嘅二三建設。